166 Tech haqqında

Biz Azərbaycanda fəaliyyət göstərən ticarət müəssisələri üçün kassa, satış və anbar idarəetmə həlləri hazırlayırıq. Məqsədimiz sadədir: mağaza sahibinin gün sonunda nə qazandığını, anbarda nəyin qaldığını və kimin nə qədər borclu olduğunu təxminlə deyil, dəqiq rəqəmlə bilməsi.

Niyə bu məhsul

Bazardakı proqramların çoxu ya yalnız kassadır, ya yalnız anbar. Nəticədə mağaza sahibi bir neçə proqram və Excel cədvəli arasında qalır, məlumat isə heç vaxt üst-üstə düşmür. Biz kassanı, anbarı, borcu, xərci və hesabatları bir sistemə yığdıq — hər satış anbarı, borcu və mənfəəti eyni anda yeniləyir.

Prinsiplərimiz

• Sürət. Kassada barkod oxunan kimi məhsul səbətə düşməlidir. Gözləmə qəbuledilməzdir.
• Dayanıqlıq. İnternet kəsiləndə satış davam etməlidir. Offline iş sonradan əlavə edilən funksiya deyil, arxitekturanın əsasıdır.
• İzlənəbilirlik. Heç bir rəqəm izsiz dəyişməməlidir. Hər qiymət, hər stok hərəkəti və hər ləğv audit log-da qalır.
• Sadəlik. Kassir 10 dəqiqəyə öyrənməlidir. Mürəkkəblik arxa planda qalmalıdır.

Kimlər üçün

1 kassalı kiçik marketdən 5 filiallı geyim şəbəkəsinə, Sədərəkdəki topdansatış mağazasından elektronika salonuna qədər — hamısı eyni platformadan istifadə edir. Fərq yalnız aktivləşdirilən modullardadır.

Dəstək

Quraşdırma yardımı, məhsul bazasının köçürülməsi və işçilərin öyrədilməsi bütün paketlərə daxildir. Sualınız olduqda telefonla və ya WhatsApp ilə dərhal əlaqə saxlaya bilərsiniz.

Məhsulu necə yoxlayırıq?

Əsas ssenarilər yalnız ekranın açılması ilə yox, uçot nəticəsi ilə qiymətləndirilir: alışdan sonra stok və maya dəyəri, satışdan sonra qalıq və kassa, qaytarmadan sonra ödəniş və borc, internet bərpa olunandan sonra isə sinxronizasiyanın təkrarsız işləməsi birlikdə yoxlanır. Bu yanaşma görünüşü yox, biznes məlumatının ardıcıllığını əsas götürür.

Məlumatın daşına bilməsi

Məhsul, satış, anbar və əsas hesabatların Excel, CSV və PDF çıxışları istifadəçinin gündəlik işi və məlumatın başqa sistemə ötürülməsi üçün nəzərdə tutulub. Xüsusi köçürmə formatı tələb olunarsa, sahələr və tarixçə həcmi keçiddən əvvəl ayrıca razılaşdırılır.

Məhsulun sərhədləri

166 Kassa pərakəndə və topdan ticarətin POS, stok, nisyə və idarəetmə hesabatlarına fokuslanır. Aktiv e-kassa provayderi, tam mühasibat, mürəkkəb istehsal planlaması və xüsusi ERP inteqrasiyası standart funksionallığın avtomatik hissəsi kimi təqdim edilmir; belə ehtiyaclar ayrıca texniki qiymətləndirilir.

Məzmun və məhsul məlumatları 166 Tech məhsul komandası tərəfindən yoxlanılıb. Son yoxlama: 04.09.2026.