166 166 Kassa
Daxil ol Pulsuz sınayın

İstifadə şərtləri

Son yenilənmə: 04 sentyabr 2026

1. Şərtlərin qəbulu

166 Kassa xidmətindən istifadə etməklə bu şərtləri qəbul edirsiniz. Şərtlərlə razı deyilsinizsə, xidmətdən istifadə etməyin.

2. Xidmətin təsviri

166 Kassa — ticarət müəssisələri üçün kassa (POS), satış, anbar, borc və hesabat idarəetmə sistemidir. Xidmət abunəlik əsasında, internet vasitəsilə (SaaS modeli) təqdim olunur.

3. Qeydiyyat və hesab

  • Qeydiyyat zamanı doğru və aktual məlumat verməlisiniz
  • Hesabınızın və şifrənizin təhlükəsizliyinə siz cavabdehsiniz
  • Hesabınızdan aparılan bütün əməliyyatlara görə məsuliyyət sizin üzərinizdədir
  • Şübhəli fəaliyyət aşkar etdikdə dərhal bizə məlumat verin

4. Sınaq müddəti

Yeni qeydiyyatdan keçən şirkətlərə 3 günlük pulsuz demo müddəti verilir. Sınaq müddətində kart məlumatı tələb olunmur və xidmət tam funksionallıqla işləyir. Müddət bitdikdən sonra abunəlik seçilməzsə, sistemə giriş məhdudlaşır.

5. Abunəlik və ödəniş

  • Abunəlik aylıq və ya illik seçilə bilər
  • Ödəniş dövrün əvvəlində edilir
  • Paketi istənilən vaxt dəyişmək mümkündür
  • Abunəliyi istənilən vaxt dayandıra bilərsiniz; cari dövrün sonuna qədər xidmət davam edir
  • Hüquqi şəxslər üçün hesab-faktura təqdim olunur

6. Abunəliyin bitməsi

Abunəlik bitdikdə və ya dayandırıldıqda məlumatlarınız silinmir. Sistemə giriş məhdudlaşır, lakin bütün məlumat saxlanılır. Ödəniş edildikdə xidmət olduğu kimi bərpa olunur. Məlumatların tam silinməsini yazılı şəkildə tələb edə bilərsiniz.

7. İstifadəçinin öhdəlikləri

Xidmətdən istifadə edərkən:

  • Qanunvericiliyə uyğun fəaliyyət göstərməlisiniz
  • Sistemi zərərli məqsədlərlə istifadə etməməlisiniz
  • Sistemin təhlükəsizliyini pozmağa cəhd etməməlisiniz
  • Hesabınızı üçüncü şəxslərə satmamalı və icarəyə verməməlisiniz
  • Xidmətə həddindən artıq yük yaradan avtomatlaşdırılmış sorğular göndərməməlisiniz

8. Məlumatın düzgünlüyü

Sistemə daxil edilən məlumatın düzgünlüyünə istifadəçi cavabdehdir. Səhv daxil edilmiş qiymət, say və ya maya dəyəri nəticəsində yaranan hesabat fərqlərinə görə xidmət təminatçısı məsuliyyət daşımır.

9. Xidmətin əlçatanlığı

Xidmətin fasiləsiz işləməsi üçün çalışırıq, lakin planlı texniki işlər və nəzarətdən kənar hallar (internet provayderi, hosting infrastrukturu) müvəqqəti fasilələrə səbəb ola bilər. Planlı işlər barədə əvvəlcədən məlumat veririk.

Kassa modulu offline rejimdə işlədiyi üçün internet fasiləsi satışı dayandırmır.

10. Ehtiyat nüsxə

Verilənlər bazası gündəlik avtomatik ehtiyat nüsxələnir. Bununla belə, kritik məlumatların vaxtaşırı export edilməsini tövsiyə edirik.

11. Məsuliyyətin məhdudlaşdırılması

Xidmət təminatçısının məsuliyyəti son 12 ayda ödənilmiş abunəlik məbləği ilə məhdudlaşır. Dolayı zərərlərə (itirilmiş gəlir, biznes imkanı) görə məsuliyyət daşınmır.

12. Dəstək

Texniki dəstək iş günlərində B.e – Şənbə, 09:00 – 19:00 qrafiki ilə telefon, WhatsApp və e-mail vasitəsilə göstərilir. Quraşdırma yardımı və məhsul bazasının köçürülməsi bütün paketlərə daxildir.

13. Şərtlərin dəyişdirilməsi

Şərtlərdə dəyişiklik edildikdə istifadəçilər e-mail ilə məlumatlandırılır. Dəyişikliklərdən sonra xidmətdən istifadənin davam etdirilməsi yeni şərtlərin qəbulu deməkdir.

14. Əlaqə